Նախագծային արդյունքներ
Գրականություն
Նախագծի Ժամկետը՝ շուրջտարյա
Նախագծի մասնակիցները՝ 10-րդ դասարանցիներ
Նախագծի նպատակը
- սովորողի մոտ զարգացնել գրական բարձր ճաշակ
- գրական բարձրարժեք ստեղծագործությունների ընթերցման և քննարկման միջոցով նպաստել սովորողի մտավոր և հոգևոր աճին
- ընթերցանությունը դարձնել հոգևոր պահանջմունք
Նախագծի խնդիրները
- զարգացնել սովորողի մոտ ստեղծագործությունը վերլուծելու կարողություններ
- ընթերցանության նյութերը առաաջարկել բարձրարվեստ գրականությունից
- ընտրել ստեղծագործություններ՝ համապատասխան սովորողի մտավոր և հոգևոր կարողություններին
- ընտրել ստեղծագործություններ, որոնք բավարարեն սովորողի հոգևոր և մտավոր պահանջմունքները
Նախագծի իրականացում
Նախագծի արդյունքների ներկայացում
Նախագծի մասնակցի գնահատումը
- Նախագծեր
- գրական թատրոն
- գարնանային օրագիր
- հասարակական հնչեղություն ունեցող հարցերի քննարկումներ
- առաջարկում եմ կարդալ
- ռադիոնյութերի, տեսանյութերի ստեղծում
- ռադիոթատրոն
- գրաբարյան ընթերցումներ
- կարդում ենք տարբեր բանաստեղծների բանաստեղծություններ
- հարցազրույցներ
- մենախոսություններ տարբեր թեմաների շուրջ
- անհատական, ընտանեկան ռադիո, տեսաֆիլմ
- շարադրել մտքերը տարբեր թեմաներով
- ընթերցած նյութի վերլուծություն (ոչ միայն գեղարվեստական)
- արմատական, ստուգաբանական բառարանների հետ աշխատանք
Նախագծերի համառոտ բնութագիրը:
1. Ընթերցանություն:
- Ծավալուն ստեղծագործությունների ընթերցում
Բացի փոքր արձակից՝ նովել, փոքրիկ պատմվածք, առակ, զրույց, բանաստեղծություններ, որոնց ընթերցանությունը և վերլուծությունը հիմնակամում իրականացվում է դասարանում՝ որպես ուսումնական նյութի հետ տարվող ուսումնական աշխատանք, հմտությունների զարգացում, կարևորվում է նաև գեղարվեստական ծավալուն ստեղծագործությունների՝ ծավալուն պատմվածքների, վեպերի, վիպակների ընթերցանությունը: Այսպիսի ընթերցանությունը՝ որպես լրացուցիչ կրթություն, հանձնարարվում է ինչպես ամառային, աշնանային, գարնանային արձակուրդների ժամանակ, այնպես էլ ուսումնական տարվա ընթացքում՝ որոշակի ժամկետում՝ կախված ստեղծագործության ծավալից: Ստեծագործությունների քննարկումը կատարվում է և՛ տարբեր հարցերի ու առաջադրանքների, և՛ առցանց քննարկման և բանավոր քննարկումների միջոցով:
2 Թարգմանություն: Ժամկետը՝ շուրջտարյա
Թարգմանությունները լեզվի ուսուցման, խոսքի մշակման կարևոր մասն են կազմում: Դրանք հիմնականում փոքրիկ առակներ են, որոնց թարգմանությունները մշակելուց հետո օգտագործում ենք նաև որպես գրական նյութ՝ վերլուծությունների համար: Թարգմանությունները հիմնականում կատարվում են ռուսերենից, բայց կան սովորողներ, ում համար ավելի մատչելի է անգլերենը, կամ նախընտրում են անգլերենը: Այդ սովորողների համար թարգմանության նյութ է դառնում անգլերեն փոքրածավալ նյութը:
Թարգմանությունների ընթացքում կարևորվում են բառերի, արտահայտությունների ճիշտ, դիպուկ ընտրությունը, ոճի պահպանումը, տեքստի ամբողջականությունը: Օգտագործվում են և՛ ռուս-հայերեն, և’ անգլերեն-հայերեն, և’ հոմանիշների բառարանները: Հիմնականում օգտվում ենք nayiri.com էլեկտրոնային բառարանների կայքից: Աշխատանքը արդյունավետ է լեզվական կառույցների յուրացման և օգտագործման համար:
Այս առաջադրանքների համար օգտագործվում է հետևյալ կայքը՝ притчи, նաև համացանցային այլ կայքեր
Ռադիոնյութեր, տեսանյութեր: Ժամկետը՝ շուրջտարյա
- հարցազրույցների, քննարկումների ձայնագրություն-տեսագրություններ:
Այս աշխատանքն ուղղված է մայրենի խոսքի և՛ գրավոր, և՛ բանավոր խոսքի մշակմանը: Թեմայի ընտրությունը, հարցերի կազմումը, դրանք ներկայացնելը, զրույցի բռնվելը, արագ կողմնորոշվելը, ըստ իրավիճակի՝ նոր հարցերի առաջադրումը կարևոր հմտություններ են, որոնք ձեռք է բերում սովորողը հարցազրույցներ վարելիս:
- բանաստեղծությունների, գրական ստեղծագործությունների տեսագրություն-ձայնագրություններ
Թվային տեխնիկայով կատարվող հաջորդ աշխատանքը բանաստեղծությունների, գրական այլ ստեղծագործությունների ձայնագրություն-տեսագրությունն է: Սա գրականությունը մարդկայնացնելու, սովորողին մոտեցնելու և կարդալու, փնտրելու, ընտրելու ցանկություն առաջացնելու միջոց է: Սովորողները ձայնագրում-տեսագրում են իրենց ընտրած ստեղծագործությունը, ձայնագրվելու-տեսագրվելու համար ջանք են գործադրում՝ լավ կարդալու, ներկայանալի ընթերցանության համար: Սրանով լուծվում են մի քանի խնդիրներ՝ ընթերցել, փնտրել, գտնել այն ստեղծագործությունը, որն ուզում են ներկայացնել, և մի քանի անգամ ընթերցելով, ձայնագրման-տեսագրման պատրաստելով հղկել լավ կարդալու տեխնիկան:
Մտքեր, խոհեր: Ժամկետը՝ շուրջտարյա
Սրանք այն աշխատանքներն են, որոնք ընտրվում են սովորողների բլոգային հրապարակումներից: Բլոգը այն տարածքն է, որտեղ սովորողը հրապարակում է իր խոհերը, վերլուծությունները, պատումները, այլ նյութեր: Սովորողների խումբը, ով վարում է ընդհանուր բլոգ-ամսագիրը, ինքն է ընտրում իր համադասարանցիների բլոգներից նյութեր, առանձնացնում և հրապարակում իրենց ամսագրում:
Անհատական նախագծեր
Սովորողի նախաձեռնությամբ, նրա նախասիրությամբ իրագործվող նախագծեր են: